28.04. күні балабақшамызда «Балабақша мен ата-ана: «Бірлескен тәрбие-жарқын болашақ кепілі» тақырыбында ата-аналарға арналған ашық есік күнінің бірінші бөлімі өтті. Ата-аналарды жақсы көңіл-күймен қарсы алып, іс-шарамыз тәрбиеленушілеріміздің керемет өнерлерімен басталды. Ары қарай ата-аналар педагогтар мен тәрбиешілердің ашық ұйымдастырылған оқу іс-әрекеттеріне қатысып, балабақша ішіне экскурсия жасады. Ашық есік соңында мюзикл сомдалып, ата-аналар бүгінгі іс-шарадан алған әсерлерін, алғыстарын білдірді. Отбасы мен балабақша арасындағы ынтымақтастықты нығайту мақсатында ұйымдастырылған іс-шарамыз өте жоғары деңгейде өтті. Қатысқан ата-аналарымызға алғысымызды білдіреміз!
